Ko te pūtake o tēnei rangahau he āta titiro ki te aria whakahou me tōnā kawe mana i runga i te whanaketanga o te reo Māori. Ko te wāhanga tuatahi ka āta wete tēnei tūhinga i te āria whakahou me tōnā tūranga i runga te kawe mana o te reo Māori. E ai ki ngā kōrero o Mead (2003); Ko te tikanga whakaaro o te kupu tika, te ture whakatau i te tapu o te Mātauranga. Ko te Tikanga a te Māori kei roto i wōnā uara me tōnā tuakiritanga. Ko tā te Tikanga he akiaki, he tūtohu i ngā akoranga o te whare wānanga me ngā kura whai mātauranga o te Māori. Mā te tapu e tiaki i ngā uara me ngā āhuātanga pono ki tō te Māori titiro. Ko te wāhanga tuarua ka whakawhiti whakaaro mō ngā hua o te Hei tā Habermas (2001) ko aria whakahou i roto i te horopaki o te whakaora reo a iwi. Ko tā te mahi o te ao hou o nāianei, he whakahou, he whakawhanake i ngā tumanako me ngā koingo o ngā hāpori whai mana o te ao tuatahi. Ko tā te mahi o te ao hou he pohiritia i ngā painga o te pūtaiao me te hāngarau hou me te whakawhānuitanga o te ao pāoho, me te mana whakahaere o te hunga whai rawa. Ko te wāhanga tuatoru ka whakaatu i te whānuitanga o te reo Māori i roto i te ao hou me ngā kaupapa e tautoko ana i te mana me te mauri o te reo Māori i roto i te ao hou. Ōtira ko tā te whāinga o tēnei tūhinga, he whakaatu i te tirohanga aria o te reo me tona ahurea Māori i roto i te iwi o nāianei. Ki tā McGarvey tirohanga (2015); Ko te reo kauta te reo o i a rā o i a rā. He maha ngā kupu ka whiua ki te rere me te ia o te kōrero, engari he iti nei te māramatanga.